شهلا نوروزی
انسان آسیلیر
شَهَرین در دُوواریندان یِئنی عنوان آسیلیر
جنته گئتمک ایچون بیر اولو شیطان آسیلیر
نه آجی گرچه گه دونموش بو حیات فلسفه سی
دیل قانان قالمایاجاق، بوردا سلیمان آسیلیر
بیز قارانلیق گئجه لردن دوغولان بیر گوناهیق
نه خبر؟ دان سوکولن یِئرلره قرآن آسیلیر
نه یازیق کی یالان اوستونده یالانلار قالانیر
نه یازیق کی دیلیمیزدن قارا بهتان آسیلیر
بو حیات دا دیه سن حوری لره یئر یوخوموش
خبریز یوخدو کی جنتده ده انسان آسیلیر
شهلا_نوروزی
